“følger lyden av elva oppover nedover oppover

eg er redd for mørket

eg er redd for mørket

ser etter teikn

to hegrar to ravnar to svanar tre rådyr ein flaggspett ei spettmeis ein rødstrupe ein laks i saltomortale ein laks med kvite flekkar to døde laks ei død nøtteskrike ein månesigd ein månestein ungar som mjauar sauar som brekar gutar som rånar jentar som syng

folk seier eg er cool

yeah - ei cool chick baby

folk seier eg er cool

yeah - ein cool chick dude

du går inn i kolsvarte gruva 

med kolåpne auger 

du er redd for mørket  

du kjem ut igjen skitten i fjeset 

støv langt ned i lungene 

jobbar meir enn du kvilar

støl i armar og bein 

etter sprenging knusing lemping

du kjem ut av gruva 

mosa skin grøn mot deg 

kroppen legg seg tungt ned i det mjuke grøne

mosemor, kviskrar du lågt

kvar dag takkar eg Gud for at eg er ein sånn kul chick dude

presten seier Jesus Kristus skal komme att 

han skal komme som ein tjuv om natta, seier presten

vi må vere klare då 

klare til å følge han 

ikkje bekymre oss, seier presten

ikkje ver uroleg for å bli tatt vekk 

kven veit, kanskje får du bli 

det veit berre Gud 

tjuven i natta stryk forbi og seier

følg meg

opp og ned langs elva 

opp og ned langs Wuthering Heights

opp og ned frå Sandbekk

kvar dag

du går inn i gruva 

eg går inn på atelieret

vi er her for å jobbe

jobbe jobbe på

jobbe jobbe på

ikkje tvile på om det har noko for seg

berre jobbe jobbe på

meisle ut

det tunge svarte 

få det ut i lyset

få det til å skinne 

kvitt

mot den høstmørke skogen 

mot den grøne mosa

mot dei kolåpne augene

kvar dag takka eg Gud for at eg er ei sånn kul chick baby

kvar dag takka eg Gud for at eg er ein sånn kul chick dude”